Blåe
tonar under breen 2003
– ei
kort oppsummering
Fredag
den 29.8
Ungdommens
kommunestyre stod
bak den politiske
debatten med ungdomspolitikk
som tema. Det møtte
fram om lag 60 tilhøyrarar,
og alle listetoppane
var tilstades (med
eitt unntak). Dei
opprivande diskusjonane
vart det velaldri,
men debattleiarane
Anette Stegegjerdet
og Finn Roar Skare
gjorde ein fin jobb.
Debatten markerte
starten på "blåe
tonar under breen",
og fokuset på ungdom høvde godt
til konserten med ungdomsband seinare på kveld.
”ungdommen
trør til” var
tittelen på konserten
seint fredag kveld.
Det var nok over
150 menneske innom
dørene, mange
av dei heilt ned
i 16-års alderen.
Banda gjorde ein
svært solid
innsats. For desse
banda er det viktig å ha
ein scene der dei
kan få framføre
musikken sin. Stemningen
nådde store
høgder og
kvelden vart avrunda
med Absolute blues.
Fredag
starta og songkurset
i Ragnar Vigdal sin
songtradisjon. Kurset
gjekk heile helga
med Klaus Vigdal
og Asbjørg Ormberg
som dyktige kursleiarar.
Deltakarane var svært
interesserte og vil
gjene ha fleire kurs
i ei slik råme.
Deltakartalet kunne
ha vore større.
Laurdag
den 30.8
Måleriutstillinga ”musikalske
måleri” opna
på Jostedal
hotell kl 12.00,
med mykje interessert
publikum. Kunstnaren
Roald Grimsø sa
nokre ord om tankane
bak utstillinga og
Erling Vigdal og
Tor Magne Kvamsdal
spela blues.
Konserten ”dei
gamle tonane er so
fine” på Breheimsenteret
vart ei vakker oppleving
for eit stort og
lydhøyrt publikum.
Oppbygginga av konserten,
frå den opprinneleg
måten å syngje
dei relegiøse
folketonane på og
til meir moderne
uttrykksformer, fungerte
svært godt.
So var no og våre
lokale artistar både
dyktige og inspirerte.
Eriksen trio, med
gitar, mandolin og
Rita si praktfulle
røyst gjorde ein solid konsert,
samstundes som det var godt å høyre
Rita Eriksen sitt inntrykk av opphaldet i Jostedalen.
Ho rosa arrangementet opp i skyene, noko som
gjev lyst til å planlegginga for neste år.
Breheimsenteret var fullt, med 140 personar
innom dørane.
Etter
konserten vart måleriutstillinga ”sognalandskap” opna
på Breheimsenteret.
Det er ei salsutstilling
med landskapsmåleri
av kunstnaren Roald
Grimsø. Utstillinga
skal vere oppe heile
september.
”blå natt
under breen” på Jostedal
Hotell laurdag kveld
var utseld ei god
stund på førehand.
Dette vart også ein
stor musikalsk suksess,
med inspirerte musikarar.
Absolute blues opna,
så var det
Eriksen trio sin
tur, og så spela
Eriksen trio og Absolute
blues to låtar
saman, som om dei
hade spelt i lag
i fleire år.
Til
slutt tok Bjørn
Berge eit entusiastisk
publikum med på ei
heidundrande reise
i sitt musikalske landskap.
Han utvida like godt
settet sitt til to
stive klokketimar,
og at ein einsleg mann
kan lage so mykje musikk
berre med gitar er
utruleg. Stor kunst
og tilsvarande stemning
blant dei 250 som pressa
seg saman framfor scena.
Og
endeleg:
Arrangementet
gjekk svært smidig føre
seg, takka vere stor innsats frå mange.
Likevel, Erling Vigdal har i ein særstilling
vore den som har lagt ned mest arbeid.
Veret var på arrangementet si side, og
skapte ei flott ramme. Alle konsertane heldt
eit svært høgt nivå, og
settte ein standard for "blåe
tonar under breen".
Fylkesarkivet
gjorde opptak laurdag
og eit filmteam frå NRK
gjorde opptak både
fredag og laurdag.
Økonomien i tiltaket er under god kontroll. Offentlege
tilskot og private sponsorar er likevel heilt naudsynte for å få dette
til å fungere. Det er grunn til å rette stor
takk til sponsorar og andre bidragsytarar. Dei viser vilje
til å få i stand positive tiltak. Alt arbeid
med arrangementet er gjennomført på dugnad,
men artistar , reiser, annonsering og tilrettelegging kostar
pengar. Storleiken på lokala set visse grenser for
kor mykje folk det er plass til. Konserten ”blå natt
under breen” laurdag kveld kunne sikkert hatt
300 fleire innafor dørane skal ein dømme etter
telefonar og pågang på førehand.
”blåe tonar under
breen”, som mange sa var eit godt namn, er no
godt kjent i regionen. Marknadsføringa var god, og
NRK på direkten frå Jostedalen fredag den 29.
var viktig. Kanskje kunne vi ynskt litt meir i SA etterpå,
men, men. NRK burde sjølsagt vore vakne og gjort opptak
på ”dei gamle
tonane er so fine” laurdag ettermiddag.
Takk
til alle frå arrangørane:
Absolute blues, Jostedal Bygdalag, Jostedal
Spel- og dansarlag, Sogn og Fjordane folkemusikklag,
Jostedal hotell, Breheimsenteret. |